‘మై లవ్’ ఆల్బమ్ సాంగ్ గ్రాండ్ గా లాంచ్
ప్రతిష్టాత్మక మెగా సూపర్ గుడ్ ఫిలిమ్స్ సమర్పణలో కిషోర్ తేజా, సాత్విక లీడ్ రోల్స్‌లో నటించిన మై లవ్ ఆల్బమ్ సాంగ్ గ్రాండ్ గా లాంచ్ అయ్యింది. SKT ఎంటర్‌టైన్‌మెంట్స్ బ్యానర్‌ లో వాకాడ అప్పారావు నిర్మించిన ఈ ఆల్బమ్ ప్రేక్షకుల మనసులను హత్తుకునే భావోద్వేగంతో కూడిన సంగీతం, రిఫ్రెషింగ్ విజువల్స్‌తో అదిరిపోయింది. ఈ సాంగ్ కి సురేష్ బనిశెట్టి సాహిత్యం అందించగా, క్రాంతి ఆచార్య మనసుని కదిలించే సంగీతాన్ని అందించారు. కపిల్ కపిలన్ అద్భుతంగా ఆలపించిన ఈ పాట మ్యూజికల్ లవర్స్ ని మెస్మరైజ్ చేసింది. కిషోర్ తేజా, సాత్విక కెమిస్ట్రీ లవ్లీగా వుంది. రామ్ రెడ్డి పన్నాలా కాన్సెప్ట్, డైరెక్షన్ హార్ట్ టచ్చింగ్ గా వుంది. జయపాల్ రెడ్డి నిమ్మల సినిమాటోగ్రఫీ విజువల్స్ ట్రీట్ ని అందించాయి. ఈ సాంగ్ ఇన్స్టంట్ గా వైరల్ అయ్యింది.
సాంగ్ లాంచ్ ఈవెంట్ లో హీరో కిషోర్ తేజ మాట్లాడుతూ… అందరికీ నమస్కారం. మా డైరెక్టర్ రామ్ రెడ్డి ఈ పాట కోసం సినిమా స్థాయిలో కష్టపడ్డారు. చాలా అద్భుతంగా చేశారు. మా డీవోపీ జయపాల్ రెడ్డి చాలా హార్డ్ వర్క్ చేసి అద్భుతమైన విజువల్స్ ఇచ్చారు. మేమంతా ఒక టీం గా ఈ సాంగ్ ని చేయడం జరిగింది. అందుకే ఇంత అద్భుతంగా వచ్చింది. ఈ పాట తెలుగు తమిళ్ హిందీ మూడు భాషల్లో విడుదల చేయడం చాలా ఆనందంగా ఉంది. క్రాంతి చాలా అద్భుతమైన మ్యూజిక్ ఇచ్చారు. పాట చూసి ఎలా ఉందో ఆడియన్స్ డిసైడ్ చేయాలి. మా టీం కి మీడియా సపోర్ట్ చేయాలని కోరుకుంటున్నాను. మా నిర్మాత వాకాడ అప్పారావు గారు చాలా సపోర్ట్ చేశారు. వారి సపోర్ట్ తోనే సాంగ్ ఇంత అద్భుతంగా వచ్చింది. చాలా మంచి సాంగ్ ఇది. ఆడియన్స్ అందరూ చూసి లైక్ షేర్ సబ్స్క్రైబ్ చేయాలని కోరుకుంటున్నాను’అన్నారు.
యాక్టర్ రమణ మాట్లాడుతూ.. అందరికి నమస్కారం. కిషోర్ గారిని వెండితెరపై మీద హీరోగా చూడాలనిపిస్తుంది. ఆయన అవకాశం ఇస్తే ఆయన హీరోగా నేను విలన్ గా చేస్తాను. ఇది సాంగ్ లాగా లేదు. ఒక సినిమా లాగా ఉంది. కథంతా ఈ సాంగ్ లో చూపించారు. మ్యూజిక్ కెమెరా ఎడిటింగ్ అన్ని అద్భుతంగా ఉన్నాయి. పాటని హిట్ చేసి టీమ్ అందర్నీ ఎంకరేజ్ చేయాలని కోరుకుంటున్నాను’అన్నారు
డైరెక్టర్ తరుణ్ భాస్కర్ మదర్ గీత మాట్లాడుతూ.. అందరికి నమస్కారం. పాట చాలా మెలోడీస్ గా ఉంది. అద్భుతమైన ఎమోషన్ ఉంది. సాత్విక కిషోర్ వండర్ఫుల్ పర్ఫార్మెన్స్ ఇచ్చారు. ఈ పాట వినండి. వింటూనే ఉంటారు’అన్నారు.
దివి మాట్లాడుతూ… అందరికీ నమస్కారం. లవ్ ఈజ్ వెరీ పెయిన్, అలాంటి ప్రేమ మీద ఇలాంటి మంచి సాంగ్ చేశారు. కాన్సెప్ట్ చాలా బ్యూటిఫుల్ గా ఉంది. సాత్విక తేజ చాలా బ్యూటిఫుల్ గా ఉన్నారు. తప్పకుండా అందరూ సాంగ్ వినండి’అన్నారు.
సాత్విక మాట్లాడుతూ.. అందరికి నమస్కారం. స్క్రీన్ మీద నన్ను నేను చూసుకోవడం ఫస్ట్ టైం. మా టీకి థాంక్యూ. ఈ సాంగ్ తీసినప్పుడు ఎంత స్పెషల్ గా అనిపించిందో చూసినప్పుడు మీకు అంతే స్పెషల్గా అనిపించిందని అనుకుంటున్నాను. అందరికీ థాంక్యూ.
డైరెక్టర్ రామ్ రెడ్డి మాట్లాడుతూ.. అందరికీ నమస్కారం. ఇక్కడికి వచ్చిన గెస్ట్ లకి పేరుపేరునా ధన్యవాదాలు. మీ అందరికీ ఈ సాంగ్ నచ్చిందని అనుకుంటున్నాను. చాలా కష్టపడి ఈ సాంగ్ చేసాం. ఆడియన్స్ మా సాంగ్ ని ఎంకరేజ్ చేస్తే మేము చాలా హ్యాపీగా ఫీల్ అవుతాం. మంచి కంటెంట్ తో తీస్తే ఆడియన్స్ ఎప్పుడు కూడా మంచి వ్యూస్ ఇస్తారు. ఈ సాంగ్ కి కూడా మాకు సక్సెస్ చేస్తారని కోరుకుంటున్నాను. మా నిర్మాత వాకాడ అప్పారావు గారు చాలా సపోర్ట్ చేశారు. మా హీరో కిషోర్ తేజ చాలా హార్డ్ వర్క్ చేశారు. తను ఇంకా గొప్ప స్థాయికి వెళ్లాలని కోరుకుంటున్నాను. మా టీమ్ అందరూ నాకు చాలా సపోర్ట్ చేశారు. ఈ సాంగ్ ని అందరూ సపోర్ట్ చేయాలని కోరుకుంటున్నాను’అన్నారు.
