అఖండ 2 లో మహా శివుని శక్తి, రుద్ర తాండవ విన్యాసం, సనాతన ధర్మ పరాక్రమం చూస్తారు – నందమూరి బాలకృష్ణ

గాడ్ ఆఫ్ మాసెస్ నందమూరి బాలకృష్ణ, బ్లాక్ బస్టర్ దర్శకుడు బోయపాటి శ్రీను పవర్ ఫుల్ కొలాబరేషన్ లో వస్తున్న మోస్ట్ అవైటెడ్ డివైన్ యాక్షన్ ఎక్స్‌ట్రావగాంజా ‘అఖండ 2: తాండవం’. రామ్ ఆచంట, గోపీచంద్ ఆచంట ప్రతిష్టాత్మకంగా నిర్మిస్తున్నారు. ఎం తేజస్విని నందమూరి సగర్వంగా చిత్రాన్ని సమర్పిస్తున్నారు.  ఎస్ థమన్ సంగీతం అందించారు. టీజర్, ట్రైలర్ సాంగ్స్ సినిమాపై భారీ అంచనాలు పెంచాయి.  ‘అఖండ 2: తాండవం’ 2D, 3D రెండు ఫార్మాట్లలో డిసెంబర్ 5, 2025న ప్రపంచవ్యాప్తంగా గ్రాండ్‌గా విడుదల కానుంది. ఈ సందర్భంగా మేకర్స్ గ్రాండ్ గా ప్రీరిలీజ్ ఈవెంట్ నిర్వహించారు. భారీ సంఖ్యలో అభిమానులు హాజరైన ఈ వేడుక అద్భుతంగా జరిగింది.

ప్రీరిలీజ్ ఈవెంట్ లో గాడ్ ఆఫ్ మాసెస్ నందమూరి బాలకృష్ణ మాట్లాడుతూ.. అందరికి  నమస్కారం, ఈ వేడుకకు విచ్చేసిన అభిమానులందరికీ ధన్యవాదాలు. ఇన్ని కోట్ల మంది అభిమానుల ప్రేమను పొందడం పూర్వజన్మ సుకృతం. మనది జన్మజన్మల అనుబంధం. మనిషి నిత్యవసర వస్తువులనే సినిమాని కూడా ఎంచుకున్నాడు.  అలాంటి సినిమా ఎలా ఉండాలని చలనచిత్ర పరిశ్రమ పెద్దలు ఆలోచించాలి. నాకు ఇంత ధన్యమైన జన్మనిచ్చి మీ అందరి గుండెల్లో ఆయన ప్రతిరూపంగా నిలిపిన దైవాంశ సంభూతుడు యుగపురుషుడు నా తండ్రి నా గురువు నా ధైర్యం దైవం విశ్వ విఖ్యాత నట సార్వభౌమ డాక్టర్ పద్మశ్రీ నందమూరి తారక రామారావు గారిని తలుచుకుంటూ గారి పాదాలకు నమస్కరిస్తున్నాను. మొన్ననే గోపీచంద్ గారి దర్శకత్వంలో ఒక సినిమాని ప్రారంభించాం. ‘చరిత్రలో చాలామంది ఉంటారు. చరిత్రని మరలా మరలా తిరిగి రాసి సృష్టించేవాడు ఒకడే ఉంటాడు. నేనే ఈ చరిత్ర నాదే ఆ చరిత్ర’ ఆ సినిమాలోని డైలాగ్ ఇది. మంచి మంచి టెక్నీషియన్స్ తో పని చేయడం నా అదృష్టం. సినిమా అంటే ఒక ఆత్మ. ఆ ఆత్మని పట్టుకోవాలి. నేనెప్పుడూ కూడా అభిమానుల గురించి ప్రేక్షకుల గురించి ఆలోచిస్తూ ఉంటాను. మంచి సినిమా ఇవ్వాలి మంచి సందేశం ఇవ్వాలి పయత్నిస్తుంటాను. కరోనాతో భారతదేశమంతా భయపడుతున్న తరుణంలో అఖండ చిత్రాన్ని విడుదల చేసి ఘన విజయాన్ని అందుకున్నాం.  మంచి సినిమాకి విజయాన్ని చేకూర్చి ప్రోత్సహించిన తెలుగు ప్రేక్షకులందరికీ ధన్యవాదాలు. మహా శివుడు శక్తి, ఆదిశక్తి సాక్షిగా గంగమ్మ తల్లి ఆశీర్వాదంతో చెబుతున్నాను. ఈ రుద్ర తాండవ విన్యాసం నాలో ఆవేశమై, ఆ త్రినేత్రుడి వీక్షణ దృష్టి నాలో నిక్షిప్తమై, ఆయన త్రిశూలం నా ఆయుధానికి శక్తి శూలమై..  ఎలా ఉండబోతుందో నా పాత్ర మీరు తెరపై చూస్తారు. బోయపాటి గారు నేను ఏదైనా సినిమా చేయాలనుకుంటే మూడే నిమిషాలు మాట్లాడుకుంటాం. ఆ మహా యజ్ఞంలోకి దిగిపోతాం. నేను పాదరసం లాంటివాడిని ఎందులోకి వెళ్తే ఆకారం సంతరించుకుంటాను. నటుడిగా, క్యాన్సర్ హాస్పిటల్ చైర్మన్ గా,  హిందూపురం ఎమ్మెల్యేగా ఎన్ని రకాలుగా పనిచేయగలుగుతున్నాం అంటే అదంతా భగవంతుడు మా తల్లిదండ్రులు ఆశీస్సులు. నా బాట సూటిగా ఉంటుంది నా మాట ముక్కుసూటిగా ఉంటుంది. ఈ సినిమా విజయోత్సవ సభలో అన్ని ప్రాంతాల్లో జరుపుకుంటాం. మీరందరూ వచ్చి ఈ కార్యక్రమాన్ని విజయవంతం చేసినందుకు అభినందనలు తెలియజేస్తున్నాను. మొన్న ఉత్తరప్రదేశ్ కి వెళ్ళాము. సీఎం యోగి ఆదిత్యనాథ్  గారు ట్రైలర్ చూశారు. దీంతోపాటు ఇంకొంత కంటెంట్ కూడా చూశారు. చాలా అభినందించారు.  సనాతన ధర్మం గురించి చాలా బాగా చెప్పారు, సనాతనం ధర్మం శక్తి గౌరవం పరాక్రమాన్ని ఈ సినిమాలో ఎంతో అద్భుతంగా చూపించారని అభినందించారు. సనాతన ధర్మం మనదే భారతదేశానికి మూలాలు. ఆనాడు చత్రపతి శివాజీ గారి సైన్యంలో కూడా అఘోరాలు ఉండేవారు. గొప్ప పోరాటం చేసేవారు. నా సినిమా ఉగాది పచ్చడి లాంటిది. అన్ని రసాలు ఉండాలి. ఈ సినిమాలో సంయుక్త గారు చేసిన పాట కూడా చాలా మంచి సందర్భంలో వస్తుంది. ఆది పినిశెట్టి చాలా చక్కని పాత్ర చేశారు. నేను వాళ్ళ నాన్న గారితో కూడా సినిమాలు చేశాను. సంగీతం రోగాలను నయం చేస్తుంది. సంగీతం బాగుంటే ఆ సినిమా హిట్ అయినట్టే. ఈ సినిమా హిట్ కాదు పేలిపోతున్నాయ్. తమన్ అంత అద్భుతమైన మ్యూజిక్ ఇచ్చారు. ఇదంతా ఒక సమిష్టి కృషి. తమన్ తో చేసిన నాలుగు సినిమాలు వరుసగా హిట్లు. ఇప్పుడు అఖండ 2 కూడా అద్భుతమైన విజయం సాధించబోతోంది. మురళీమోహన్ గారు ఇందులో చాలా అద్భుతమైన పాత్ర చేశారు.  ఆకృత్యాలు మీరితే మనిషే ఆ దైవాన్ని తనలో ఆవహించుకుంటాడు అనేదే ఈ సినిమా. సినిమా అద్భుతంగా వచ్చింది. ఫైట్ మాస్టర్ రామ్ లక్ష్మణ్ చాలా అద్భుతమైన పోరాటాలు సమకూర్చారు. నిర్మాతలు రామ్ గోపి గారు లెజెండ్ తో మా ప్రయాణం మొదలైంది. మళ్లీ ఇప్పుడు ఈ సినిమా వారి బ్యానర్ లో చేయడం జరిగింది. మేము మారలేదు. విజయాలు వచ్చినప్పుడు పొంగిపోలేదు అపజయాలకు కృంగిపోలేదు. నా అభిమానులు కూడా అంతే. ఇందులో గెటప్ వేసుకోవడానికి రెండు గంటలు, తీయడానికి గంట పట్టేది. మేకప్ అమ్మాయి విధి కాస్ట్యూమర్ సంచారి కి థాంక్స్ చెప్పాలి. ఈ సినిమాని జార్జియాలో చాలా చలి ప్రదేశాల్లో ఎలా ఎన్నో అద్భుతమైన లొకేషన్స్ లో షూట్ చేశాం. మా నాన్నగారు క్రమశిక్షణ నేర్పారు. సినిమా అనుకునే సమయంలో పూర్తి చేయాలి. నేను అదే చేస్తున్నాను. పరిశ్రమ కూడా దాన్ని పాటించాలని కోరుకుంటున్నాను. ఈ సినిమాకి హిందీలో డబ్బింగ్ కూడా నేనే చెప్పాను. ఈ సినిమాలో పని చేసిన ప్రతి ఒక్కరికి పేరుపేరునా అభినందనలు. ఈ వేడుక వచ్చిన అభిమానులందరూ కూడా జాగ్రత్తగా ఇంటికి వెళ్లాలని కోరుకుంటున్నాను. జైహింద్.

డైరెక్టర్ బోయపాటి శ్రీను మాట్లాడుతూ… ఈ వేడుకల్లో పాల్గొన్న పెద్ద వాళ్ళందరికీ, సోదర సమానులైన నందమూరి అభిమానులకు సినీ అభిమానులందరికీ పేరుపేరునా కృతజ్ఞతలు. తెలంగాణ ప్రభుత్వానికి ఆంధ్రప్రదేశ్ ప్రభుత్వానికి పోలీస్ డిపార్ట్మెంట్ కి హృదయపూర్వక కృతజ్ఞతలు. వారి కారణంగానే  సినిమా అద్భుతంగా షూటింగ్ చేసుకోగలిగాం. ఈ సినిమాలో నటించిన ప్రతి నటీనటులకు కృతజ్ఞతలు. బాలయ్య గారే మా ఆస్తి బాలయ్య గారు మా పవర్ ఆయనే మా ధైర్యం. సంయుక్త ఆదిపనిశెట్టి మురళీమోహన్ గారు హర్షాలి అందరికీ పేరుపేరునా కృతజ్ఞతలు. ఇప్పుడే సెన్సార్ నుంచి వచ్చాను. సినిమాకి యు/ఏ సర్టిఫికెట్ వచ్చింది. సెన్సార్ సభ్యులు చాలా గౌరవంగా అభినందించారు. ఈ సినిమా తర్వాత మీరు గౌరవమైన స్థానంలో ఉంటారని చెప్పారు చాలా ఆనందంగా అనిపించింది. నేను ఎమోషన్ ని నమ్ముతాను. ఆ ఎమోషన్ నుంచి వచ్చే యాక్షన్ ని నమ్ముతాను. ఆ యాక్షన్ కి నాతో పాటు పనిచేసిన రామ్ లక్ష్మణ్ మాస్టర్స్ అలాగే ఫ్యూచర్లో బెస్ట్ మాస్టర్ అయ్యే రాహుల్, అలాగే ఒక ఫైట్ కి రవి వర్మ గారు పనిచేశారు.  కొరియోగ్రాఫర్స్ కి థాంక్యూ. నా విజన్  స్క్రీన్ మీద చూపించే కెమెరామెన్, ఆ విజన్ కి ప్రాణం పోసిన మ్యూజిక్ ఇచ్చే మ్యూజిక్ డైరెక్టర్ తమన్.  తనతో నాకు సరైనోడు నుంచి జర్నీ వుంది. ఈ సినిమాకి సంతోష్,రామ్ ప్రసాద్  ఇద్దరు కెమెరామెన్ గా పనిచేశారు. చాలా అద్భుతమైన విజువల్స్ ఇచ్చారు. పూర్ణ అద్భుతమైన ఆర్టిస్ట్. హర్షలి భజరంగ్ భాయిజాన్ తర్వాత మన సినిమానే చేసింది. తన క్యారెక్టర్ని చాలా అభిమానిస్తారు. మా నిర్మాతలు నాకు ఎంతో స్వేచ్ఛనిచ్చారు. వారి స్వేచ్ఛ వల్లే  నేను ఇంత బ్రహ్మాండంగా సినిమాను తీయగలిగాను. ఇందులో మా చిన్నబ్బాయి ఒక క్యారెక్టర్ చేశాడు తనకి మీ అందరి బ్లెస్సింగ్స్ కావాలి. అఖండ ప్రజల్లోకి బాగా చొచ్చుకుని వెళ్లింది. తాండవం చేస్తే నిజంగా పరమేశ్వరుడే కనిపించాలి అనుకుని ఈ సినిమా ప్రారంభించాం. తీసి చూసుకున్న తర్వాత తెలిసింది అది భగవత్ కార్యక్రమమని. భగవంతుడే ఆ కార్యక్రమాన్ని మాతో చేయించాడు ఇందులో మేము సూట్ చేసిన కొన్ని లొకేషన్స్ చూస్తే మీకు నమ్మసక్యంగా ఉండవు. ఆ భగవంతుడే మాకు దారి చూపించాడు. జన్మభూమికి యుద్ధం జన్మభూమి కోసం యుద్ధం చేసే సైనికులు అన్నిచోట్ల ఉంటారు. కానీ కర్మభూమి కోసం యుద్ధం చేసే వీరులు భారతదేశంలోనే ఉంటారు. వాళ్ళు ఉండబట్టే ఈ దేశం ముందుకు వెళుతుంది. రామాయణం భారతం భాగవతం భగవద్గీత ప్రపంచ దేశాలకు మార్గదర్శకత్వం అయినవి. ఇలాంటి మార్గదర్శకత్వం చూపించిన దేశాన్ని ముట్టుకుంటే దేవుడు ఒప్పుకుంటాడా.. పెహెల్గామ్ దాడిలో మన ఆడబిడ్డ నుదుటిన వున్న ధూరాన్ని ముట్టుకుంటే ఆపరేషన్ సింధూర్  ప్రారంభించి భారతదేశంతో యుద్ధం చేస్తే ఎలా ఉంటుందో మన సైనికులు చూపించారు.తొమ్మిది మిషాల్లో టార్గెట్ రీచ్ అయ్యి మూడు రోజుల్లో మోకాళ్ళ మీద కూర్చోబెట్టారు.అది మన సైన్యం.మనందరం అభినందించాలి.క్లాప్స్ కొట్టాలి. అలా టార్గెట్ చేయడం చేరుకోవడానికి ఈ సినిమాని డిసెంబర్ 5న థియేటర్స్ లో చూస్తారు.ఈ పరిశ్రమ ఒక్కరితో కాదు అందరితో కూడుకున్నది.ఇక్కడ కులాలు లేవు మతాలు లేవు.ఉన్నదంతా ప్రేక్షకుల్ని ఎంటర్టైన్ చేయాలి.వాళ్లకి మంచి చెప్పడానికి ప్రయత్నించాలి. అన్ని సినిమాలు అద్భుతమైన విజయాలు సాధించాలి పరిశ్రమ బావుండాలి.  ప్రతి సినిమాకి  మీ ఆశీర్వాదం ఉండాలని కోరుకుంటూ..అఖండ 2  డిసెంబర్ 5న రిలీజ్ అవుతుంది. వరల్డ్ వైడ్ ప్రేక్షకులు ఈ సినిమాని ఆనందంగా చూడాలని కోరుకుంటున్నాను.

మ్యూజిక్ డైరెక్టర్ తమన్ మాట్లాడుతూ.. అఖండ సినిమా చేయాలంటే చాలా బలం కావాలి. ఈ సినిమా చేసింది నేను కాదు.. ఆ శివుడే చేయించుకున్నాడు. అఖండ అనేది ఒక గుడి. ఇలాంటి సినిమాలు చేయాలంటే చాలా అదృష్టం ఉండాలి. శివుడు రూపంలో వచ్చినప్పుడు బాలయ్య గారిని బిగ్ స్క్రీన్ పై చూస్తుంటే మీరందరూ చేతులెత్తి దండం పెడతారు. ఆది కూడా చాలా అద్భుతమైన పాత్ర చేశాడు. తనకు చాలా మంచి పేరు వస్తుంది. శివుడికి మ్యూజిక్ చేయడమనేది ఎంతో అదృష్టం ఉండాలి. ఈ డ్రీమ్ కి సపోర్ట్ చేసిన ప్రొడ్యూసర్స్ 14 రీల్స్, దూకుడు సినిమా నుంచి నన్ను ఎంతగానో ప్రోత్సహించారు. వారికి జీవితాంతం రుణపడి ఉంటాను. అఖండ కంటే అఖండ 2 మూడింతలు ఎక్కువ ఉంటుంది. బాలయ్య గారితో బ్యాక్ టు బ్యాక్ ఐదు సినిమాలకు పని చేయడం.. ఎంతో అదృష్టం ఉంటే గాని జరగదు. ఇప్పుడు గోపి సినిమా కూడా ప్రారంభమైంది. ఇది సిక్సర్.  డిసెంబర్ 5న ఎవరు కూడా బాక్సులు పగిలిపోయి, స్పీకర్లు పేలిపోయాయని కంప్లైంట్ చేయకూడదు. ముందే మీ స్పీకర్లు సర్వీస్ చేసి పెట్టుకోండి. బోయపాటి గారు నిజంగా అలాంటి సినిమా తీశారు. డిసెంబర్ 5 బాలయ్య గారితో మరో బ్లాక్ బస్టర్ హిట్. అందరం సక్సెస్ మీట్ లో కలుద్దాం.

నిర్మాత గోపి ఆచంట మాట్లాడుతూ.. జై బాలయ్య. నందమూరి అభిమానులందరికీ స్వాగతం. ఒక సినిమాని భుజాల మీద మోసుకెళ్ళే అభిమానులే. సినిమాకి ఆక్సిజన్ లాంటివాళ్ళు అభిమానులు. మీ అందరికీ మా నిర్మాతలు తరఫున సినిమా ఇండస్ట్రీ తరపున ధన్యవాదాలు. మా సినిమాలో పనిచేసిన ప్రతి ఆర్టిస్ట్ కి టెక్నీషియన్ కి పేరుపేరునా కృతజ్ఞతలు. కెమెరా ముందు మా బాలయ్య బాబు గారి తాండవం. కెమెరా వెనకాల  డైరెక్టర్ బోయపాటి గారి తాండవం   డిసెంబర్ 5న థియేటర్లో ప్రేక్షకులు తాండవం.. ఇది పక్కా. ఈ బ్లాక్ బస్టర్ కాంబినేషన్లో మూడు సినిమాలు వచ్చాయి. దానికి మించి ఇది డబల్ బ్లాక్ బస్టర్ అవుతుంది. డిసెంబర్ 5న దేశం మొత్తం బాలయ్య బాబు గారి నట నట విశ్వరూపం చూస్తుంది.

సంయుక్త మాట్లాడుతూ..  బాలయ్య బాబు గారి అభిమానులందరికీ నమస్కారం. నాకు శివుడు అంటే భక్తి, ప్రేమ. అఖండ నాకు ఎంతో ఇష్టమైన సినిమా.  అఖండ 2 నేను భాగమవుతానని ఎప్పుడు అనుకోలేదు. బాలయ్య గారితో పనిచేయడం అద్భుతమైన అనుభూతి. ఎంతో ఆనందంగా కలిసి పనిచేశాం. ఆయన ఆయన సినిమా మీద ఉన్న ఫ్యాషన్ అద్భుతం. ఆయన ఎనర్జీ టీమ్ అందరికీ వస్తుంది. జాజికాయ సాంగ్ మీరందరూ స్క్రీన్ మీద చాలా ఎంజాయ్ చేస్తారు. అందరు కూడా థియేటర్స్ లో ఎంజాయ్ చేయాలని కోరుకుంటున్నాను

ఆది పినిశెట్టి మాట్లాడుతూ… అందరికి నమస్కారం నేను ఇక్కడ ఉండడానికి కారణం బోయపాటి గారు. సరైనోడు సినిమాలో నన్ను అద్భుతమైన విలన్ పాత్రలో చూపించారు. ఈ సినిమా గురించి చెప్తున్నప్పుడు నిజంగా నేను బాలయ్య గారి పక్కన సరిపోతానా అని భావించాను. నాకు ఇంత అద్భుతమైన ఆఫర్ ఇచ్చిన బోయపాటి గారికి థాంక్యూ. మా ప్రొడ్యూసర్స్ ఈ సినిమాని అద్భుతమైన కాన్వాస్ లో నిర్మించారు. అందరూ కూడా చాలా హ్యాపీగా ఆనందంగా పని చేసాం దీనికి కారణం బాలయ్య గారే. ఆయన చాలా పాజిటివ్ పర్సన్. ఆయనతో మళ్లీ మళ్లీ పని చేయాలని ఆశగా ఉంది. డిసెంబర్ 5న అఖండ తాండవం అందరూ థియేటర్స్ కి వచ్చేయండి. బాలయ్య గారి ఎనర్జీ బోయపాటి గారి మా మాస్, తమన్ బిజీయంతో థియేటర్లో కూర్చున్న ప్రతిక్షణం 10000 వాట్స్ కరెంట్ షాక్ కొట్టినట్టుగా ఉంటుంది. అందరం థియేటర్స్ లో కలుద్దాం.

హర్షాలి మాట్లాడుతూ… అందరికి నమస్కారం. ఈ సినిమా నాకు ఒక రోలర్ కోస్టర్  లాంటి ఎక్స్పీరియన్స్ ఇచ్చింది .నాకు ఈ క్యారెక్టర్ లో బిలీవ్ చేసిన డైరెక్టర్ బోయపాటి గారికి ధన్యవాదాలు. బాలయ్య గారితో కలిసి నటించడం అదృష్టంగా భావిస్తున్నాను. మా నిర్మాతలకు ఈ సినిమాలో నటించిన అందరికీ పేరుపేరునా ధన్యవాదాలు

పూర్ణ మాట్లాడుతూ.. అందరికీ నమస్కారం. అఖండలో నాకు చాలా మంచి క్యారెక్టర్ ఇచ్చారు. ఈ సినిమాలో కూడా అంతే అద్భుతమైన అనుభూతినిచ్చే పాత్ర ఇచ్చారు. బాలకృష్ణ గారు అన్ స్టాపబుల్ అఖండ కూడా అన్ స్టాపబుల్. జై బాలయ్య.

మురళీమోహన్ మాట్లాడుతూ.. అందరికి నమస్కారం. ఒక అద్భుతమైన సినిమాలో ఒక పాత్ర చేసిన ఆనందాన్ని నేను పొందుతున్నాను. బోయపాటి గారు కథ చెప్పిన రోజున నాకు గగుర్పాటుకు ఇచ్చింది. ఈ చిత్రంలో ఆ క్యారెక్టర్ని బాలకృష్ణ గారి తప్పితే ఇంకెవరూ చేయలేరు. నేను అన్నగారితో కలిసి నటించాను. నాకు అప్పటి నుంచి ఆ కుటుంబం, బాలయ్య బాబు గారు అంటే నాకు ఎంతో భక్తి ప్రేమ. ఈ సినిమాలో నాకు చాలా సంతృప్తి కలిగించే వేషం ఇచ్చారు. ఈ సినిమా అఖండ విజయం పొందాలని మనస్పూర్తిగా కోరుకుంటున్నాను

యాక్టర్ కబీర్ మాట్లాడుతూ.. అందరికీ నమస్కారం. జై బాలయ్య. బాలయ్య గారి ఎనర్జీ అద్భుతం. ఆయన స్వాగ్ అమోఘం. ఈ సినిమాలో భాగం కావడం అదృష్టంగా భావిస్తున్నాను. ఈ సినిమాలో నన్ను కొత్తగా చూపిస్తున్న బోయపాటి గారికి ధన్యవాదాలు. బాలయ్య గారు పాన్ ఇండియా సూపర్ స్టార్. సినిమా టీజర్ ట్రైలర్ చూసి గూస్ బంప్స్ వచ్చాయి. ఈ సినిమాలో పనిచేసిన అందరికీ పేరుపేరునా ధన్యవాదాలు.  డిసెంబర్ 5న అందరం థియేటర్స్ లో కలుద్దాం.

రామ్ లక్ష్మణ్ మాస్టర్స్ మాట్లాడుతూ..  మేము ఎన్నో ఆడియో ఫంక్షన్ లు, ప్రీ రిలీజ్ ఫంక్షన్లు చూసాము. కానీ ఈ వేడుక మాత్రం అందరం కలిసి ఒక గుడికి వచ్చిన అనుభూతి కలుగుతుంది. ఈ కాలంలో మనుషులు భక్తికి దూరం అవుతున్నారు. ఎన్నో అక్రమాలు జరుగుతున్నాయి.  మనుషుల్ని భక్తి మార్గంలో నడిపించే ఒక అద్భుతమైన సినిమాని తీసుకొస్తున్న బోయపాటి శ్రీను గారికి ధన్యవాదాలు. ఇందులో బాలయ్య బాబు గారిలో ఒక శివశక్తిని చూశాం.  అలాంటి శక్తితో ఫైట్స్ ని అద్భుతంగా కంపోజ్ చేశాం. ఒక గుడికొచ్చి ఒక దివ్యమైన అనుభూతి పొందిన భావన కలిగిస్తుంది. మాకు ఈ అవకాశం ఇచ్చిన దర్శకులకు నిర్మాతలకు ధన్యవాదాలు. మా టీమ్ అందరికీ , సినిమా యూనిట్ అందరికీ పేరుపేరునా ధన్యవాదాలు.

గంగాధరశాస్త్రి మాట్లాడుతూ..  ఈ సినిమాలో కీలకమైన సన్నివేశాల్లో భగవద్గీత శ్లోకాలు నాతో పాడించిన  దర్శకుడు బోయపాటి గారికి హీరో బాలయ్య బాబు గారికి సంగీత దర్శకుడు తమన్ గారికి నిర్మాతలకి ప్రత్యేకమైన కృతజ్ఞతలు. దైవభక్తి దేశభక్తి కర్తవ్యం ఇష్ట, నిష్కామ కర్మ.. దానికోసం ప్రాణత్యాగం చేసిన పర్వాలేదు. ఇదే ఈ సినిమా సారాంశం. సనాతన ధర్మాన్ని జాగృతం చేయడం కోసం ఈ సినిమాని మన ముందుకు తీసుకొస్తున్న త్రిమూర్తులు బాలయ్య గారు బోయపాటి గారు నిర్మాతలు. ఈ సినిమా వినోదంతో కూడిన ఆత్మ జ్ఞానం అందిస్తుంది. ఈ సినిమా అర్ధం చేసుకోడానికి ఆచరించడానికి ప్రయత్నిద్దాం. ఈ సినిమా చేసిన యూనిట్ అందరూ కారణజన్ములు. బోయపాటి దర్శకత్వంలో ఇలాంటి సినిమాలు 10 వస్తే భారతదేశంలో సనాతన ధర్మం సెట్ రైట్ అయిపోతుంది. నాకు అంత నమ్మకం ఉంది. బాలయ్య బాబు గారి గొంతులో మాత్రమే శ్లోకం పండుతుంది. ఆయన నిండు నూరేళ్లు ఆయురారోగ్యాలతో ఉండాలని మనస్పూర్తిగా కోరుకుంటున్నాను. జైశ్రీరామ్ ఓం నమశ్శివాయ.

కాసర్ల శ్యామ్ మాట్లాడుతూ… ఈ సినిమాలో బాలయ్య బాబు లోని చిన్ని బాలకృష్ణున్ని బయటికి తీసుకొచ్చే బాధ్యత నాకు ఇచ్చారు. ఈ సినిమాలో నందమూరి బాలుడాయ పాట రాశాను. ఈ పదం పుట్టింది అభిమానుల దగ్గర నుంచే. బోయపాటి గారికి, బాలయ్య బాబు గారికి ధన్యవాదాలు .అఖండ 2 ద్వారా బాలయ్య బాబు గారి రుద్రతాండవాన్ని మనం థియేటర్స్ లో చూద్దాం

లిరిక్ రైటర్ కళ్యాణ్ చక్రవర్తి మాట్లాడుతూ.. ఈ జనసందోహాన్ని చూస్తుంటే ఒక మహా శివరాత్రిని చూస్తున్నట్టుగా ఉంది. నా జీవితంలో మలుపు మైలురాయి అఖండ సినిమానే. నా చేయి పట్టి నన్ను నడిపించింది మా గురువుగారు బోయపాటి శ్రీను గారు. మనందరి దైవం నందమూరి తారక రామారావు గారు. ఆయనే తెలుగుజాతి ఆత్మ, ఆత్మ గౌరవంగా మన బాలయ్య బాబు గారిగా వచ్చారు. ఇలాంటి ఒక అద్భుతమైన సినిమాలు తీయడం మా గురువుగారు బోయపాటి శ్రీను గారి వలన అవుతుంది. అది ఎన్నోసార్లు మనం చూసాం మరోసారి చూడబోతున్నాం. అఖండాన్ని అర్థం చేసుకున్న సంగీత దర్శకుడు  తమన్ గారు. మా మా అందరిని ఒకచోటకు చేర్చి ఈ అద్భుతమైన పాటలు చేయించారు. ఈ అవకాశం ఇచ్చిన ఆ పరమశివుడు శివుడికి జన్మతః రుణపడి ఉంటాం.