G.O.A.T మాస్ ఫన్ యాక్షన్ ఎలిమెంట్స్ తో సినిమా అందరికీ నచ్చేలా ఉంటుంది – మొగుళ్ల చంద్రశేఖర్ రెడ్డి

జైశ్నవ్ ప్రొడక్షన్ , మాహాతేజ క్రియేషన్స్ లో అద్భుతం, టేనంట్ వంటి అద్బుతమైన చిత్రాలని నిర్మించిన మొగుళ్ళ చంద్రశేఖర్ గారి నిర్మాణంలో… క్రికెట్ నేపధ్యం లోనే కామెడీ ప్రధాన అంశంగా సుడిగాలి సుధీర్, దివ్యభారతి ప్రధాన పాత్రధారులుగా రూపొందిన మూవీ G.O.A.T . ఇప్పటికే విడుదల చేసిన పాటలకు అద్భుతమైన రెస్పాన్స్ వచ్చింది. ఈ రోజు మేకర్స్ అదిరిపోయే టీజర్ రిలీజ్ చేశారు. 

టీజర్ లాంచ్ ఈవెంట్ లో హీరోయిన్ దివ్యభారతి మాట్లాడుతూ… అందరికి నమస్కారం. మీ అందరి సపోర్ట్ కి థాంక్యూ. తమిల్ లో నాకు బ్యాచిలర్ ఎంత మంచి పేరు తీసుకొచ్చిందో తెలుగులో G.O.A.T సినిమా అంతా పేరు తీసుకొస్తుందని నమ్ముతున్నాను. కథ విన్నప్పుడు ఫుల్ కామెడీ నవ్వుతూనే ఉన్నాను తెలుగులో సినిమా చేస్తే ఇలానే ఉండాలనిపించింది. బ్యాచిలర్ సినిమాకి తెలుగు ఆఆడియన్స్ కూడా చాలా సపోర్ట్ ఇచ్చారు. తెలుగులో ఒక ప్రాజెక్ట్ చేస్తున్నప్పుడు అది మంచిగా ఉండాలని నా ప్రయత్నం. అందుకే ఈ సినిమా చేశాను. అందరూ చూసి సపోర్ట్ చేయాలని కోరుకుంటున్నాను. సుధీర్ గారు మల్టీ టాలెంటెడ్ ఆయనతో కలిసి పనిచేయడం చాలా ఆనందంగా ఉంది. మా నిర్మాతలు చాలా సపోర్ట్ చేశారు. వాళ్లకి సినిమా అంటే చాలా పాషన్ .ఒక ప్రాజెక్ట్ తీసుకుంటే చాలా అంకితభావంతో పని చేస్తాఋ పాటలకి చాలా అద్భుతమైన రెస్పాన్స్ వచ్చింది. టీజర్ మీ అందరికీ నచ్చినందుకు చాలా ఆనందంగా ఉంది. తప్పకుండా ఈ సినిమా మీ అందరినీ అలరిస్తుంది. అందరూ థియేటర్స్ లో చూసి ఎంజాయ్ చేయాలని కోరుకుంటున్నాను. 

యాక్టర్ నితిన్ ప్రసన్న మాట్లాడుతూ… అందరికి నమస్కారం. ఈ సినిమా కథ విన్నప్పుడు చాలా నచ్చింది. కథ విన్నప్పుడే లుక్ టెస్ట్ కూడా చేసేసారు. అన్నీ చాలా ఫాస్ట్ గా మొదలయ్యాయి. సినిమా చాలా అద్భుతంగా వచ్చింది. నా క్యారెక్టర్ చాలా ఎక్సైటింగ్ గా అనిపించింది. చాలా మంచి టీం వర్క్ తో ఈ సినిమా చేసాము. ఈ క్యారెక్టర్ చేయడం చాలా ఎంజాయ్ చేశాను. అంబాజీపేటలో నా క్యారెక్టర్ ఎంత నచ్చిందో ఇందులో కూడా అంతే నచ్చింది. నా మనసుకు చాలా దగ్గరగా ఉన్న క్యారెక్టర్ ఇది. మంచి సినిమాని సపోర్ట్ చేయాలని కోరుకుంటున్నాను. 

ప్రొడ్యూసర్ చంద్రశేఖర్ మాట్లాడుతూ.. అందరికీ నమస్కారం. ఈ టీజర్ ని రిలీజ్ చేసిన దిల్ రాజు గారికి థాంక్యూ. నేను చేసిన ఫస్ట్ సినిమా అద్భుతంకు చాలా బాగా ఆదరించారు. చాలా మంచి రేటింగ్ ఇచ్చారు. సినిమాని అంత బాగా పరిశీలించి రేటింగ్స్ ఇవ్వడం నాకు చాలా ఆనందాన్ని ఇచ్చింది. ఈ సందర్భంగా మీడియా మిత్రులకు ధన్యవాదాలు. ఈ సినిమాని కూడా మేము చాలా బాధ్యతాయుతంగా తీసాము. మధ్యలో కొన్ని ఆటంకాలు వచ్చాయి గాని మళ్లీ రీవర్క్ చేసుకుని అద్భుతంగా సినిమాని తీర్చిదిద్దాం. ముందున్న టీము మాకు అంతగా సపోర్ట్ చేయలేదు. తప్పని తప్పనిసరి పరిస్థితుల్లో ఒక నిర్ణయం తీసుకోవాల్సి వచ్చింది. ఎవరో చేసిన తప్పులకి నిర్మాతగా నాలుగైదు రెట్లు ఎక్కువ బడ్జెట్ పెట్టడం నేను తీసుకోలేకపోయాను. నాలుగైదు సార్లు వార్నింగ్ ఇచ్చే ఆ నిర్ణయం తీసుకున్నాను. నేను సినిమా అంటే ఫ్యాషన్ తోనే సినిమా చేశాను. నేను కథ విన్నప్పుడు ఒక ప్రేక్షకుడి లాగా వింటాను. మళ్లీ ఒక కొత్త టీం తో మేము అనుకున్న కథని అద్భుతంగా తీశాం. టీజర్ లో కామెడీ మాస్ యాక్షన్ మీరు చూశారు. ఈ సినిమా ఒక ఫుల్ మీల్స్ లాగా ఎంజాయ్ చేసే సినిమా. అలాగే సొసైటీలో ఉన్న ఒక సమస్యను కూడా ఇందులో అడ్రస్ చేశాం. ప్రతి ఒక్కరూ ఈ సినిమాని అప్రిషియేట్ చేస్తారని నమ్మకం ఉంది. ఈ సినిమాని కళామతల్లి చేయించుకుంది. రవీంద్ర రెడ్డి గారు మాకు చాలా సపోర్ట్ చేశారు. మా హీరోయిన్ దివ్యభారతి గారు ఈ సినిమా ఒప్పుకోడమే చాలా ఆనందాన్నిచ్చింది. ఈ సినిమా తనకి తెలుగులో ల్యాండ్ మార్క్ మూవీ అవుతుంది. నితిన్ ప్రసన్న గారు ఇందులో మెయిన్ విలన్ గా చేశారు. ఆయన మాకు దొరకడం గాడ్ గిఫ్ట్. లియన్ జేమ్స్ అద్భుతమైన మ్యూజిక్ ఇచ్చారు. బ్యాగ్రౌండ్ స్కోర్ కోసం మణిశర్మ గారు పనిచేస్తున్నారు. ఆయన సపోర్టు మర్చిపోలేను. ఆయన లెజెండ్. ఈ కథ మొత్తం విన్న తర్వాత ఈ సినిమా చేస్తున్నానని చెప్పారు, పోస్ట్ ప్రొడక్షన్ అద్భుతంగా వచ్చింది త్వరలోనే రిలీజ్ డేట్ అనౌన్స్ చేస్తాము. అందరికీ థాంక్యు 

కో ప్రొడ్యూసర్ రవీందర్ రెడ్డి మాట్లాడుతూ.. ఈ సినిమా మాస్ ఎంటర్టైనర్ గా తీశాం. చంద్రశేఖర్ రెడ్డి ఈ సినిమా కోసం చాలా కష్టపడ్డారు. టీమ్ అందరికీ ఆల్ ది బెస్ట్. ఈ సినిమా పెద్ద విజయం సాధించాలని కోరుకుంటున్నాను. 

నటీనటులు: సుడిగాలి సుధీర్, దివ్యభారతి, మొట్ట రాజేంద్రన్, సర్వదమన్ బెనర్జీ, నితిన్ ప్రసన్న, పృథ్వి, అడుకులం నరైన్, ఆనందరామరాజు, పమ్మి సాయి, చమ్మక్ చంద్ర, నవీన్ నేని

బ్యానర్: జైశ్నవ్ ప్రొడక్షన్, మాహాతేజ క్రియేషన్స్

నిర్మాత: మొగుళ్ళ చంద్రశేఖర్

మ్యూజిక్: లియోన్ జేమ్స్

బీజీఎం: మణిశర్మ 

పీఆర్వో: తేజస్వి సజ్జా